4 alpinistët, të cilët ishin bllokuar këtë të dielë në Valbonë janë evakuuar me helikopter.
Policia bën të ditur se dy alpinistët e dëmtuar po transportohen drejt Spitalit të Traumës, ndërsa dy turistët e tjerë janë në gjendje të mirë shëndetësore.
Njoftimi i policisë
Në lidhje me informacionin e dhënë më parë, për alpinistët, të cilët, duke eksploruar zonën e Valbonës, mbeten të bllokuar, për shkak të terrenit të thepisur të zonës, ju bëjmë me dije se:
Falë ndërhyrjes së menjëhershme të shërbimeve të Policisë dhe ndërhyrjes nga ana e shërbimeve me helikopter, është bërë e mundur lokalizimi dhe nxjerrja e 4 shtetasve.
Aktualisht, 2 të dëmtuarit po transportohen me helikopter, drejt Spitalit të Traumës, Tiranë, ndërsa 2 shtetasit e tjerë, që po u vinin në ndihmë të dëmtuarve, ndodhen të akomoduar dhe në gjendje të mirë shëndetësore.
