Sekretari i përgjithshëm i PD-së, Flamur Noka ka reaguar pas futurnës mbi policinë e Elbasanit për vrasjen e Pjerin Xhuvanit, një vit më parë. Noka u shpreh se zyrtarët e policisë u arrestuan pasi foli vrasësi i penduar Nuredin Dumani.
“Ardiu Veliu sot është graduar zv/ ministër, por nuk mundet t’i shpëtojë drejtësisë. Përgjegjës është edhe prokurori Alfred Shehu, manipulator, sot në SPAK.
Nëse Nuredin Dumani nuk do të dëshmonte ata nuk do të ishin arrestuar. Sot në prokurori duhet të ishin thirrur nga Taulant Balla. Shqipëria është në rrezik, prandaj në 7 korrik do të protestojë e gjitha” tha ai.
Nikollaq Palla ish zv.drejtori i Policisë së Elbasanit për Rendin u la në arrest shtëpie së bashku me Albert Nushin aktualisht me detyrë zv.drejtor për rendin e sigurinë publike në Berat për shpërdorim detyre pasi dhanë dëshmi të rreme për vrasjen e një viti më parë.
