Ditën e sotme është zhvilluar samiti i NATO-s, në Madrid, nga ku u morën disa vendime të rëndësishme për sigurinë e vendeve anëtare, por dhe u fol për zgjerimin e më tejshëm të aleancës.
Mbledhja u nxit edhe nga situata aktuale në Ukrainë, samiti shënoi një moment historik në forcimin e Aleancës dhe përshpejtimin e përshtatjes së saj.
Ndër të tjera NATO ka ritheksuar se pozicioni i saj është mbrojtës dhe në par4andalimin e krizave. Po ashtu për Ukrainën u vendos që furnizimi i ri të jetë me armë jo-vdekjeprurëse.
“Ne do të vazhdojmë dhe do të shtojmë më tej mbështetjen politike dhe praktike për partnerin tonë të ngushtë Ukrainën ndërsa ajo vazhdon të mbrojë sovranitetin dhe integritetin e saj territorial kundër agresionit rus. Së bashku me Ukrainën, ne kemi vendosur për një paketë të forcuar mbështetjeje. Kjo do të përshpejtojë shpërndarjen e pajisjeve të mbrojtjes jo-vdekjeprurëse, do të përmirësojë mbrojtjen kibernetike dhe elasticitetin e Ukrainës, dhe do të mbështesë modernizimin e sektorit të saj të mbrojtjes në tranzicion për të forcuar ndërveprueshmërinë afatgjatë. Në terma afatgjatë, ne do të ndihmojmë Ukrainën dhe do të mbështesim përpjekjet në rrugën e saj të rindërtimit dhe reformave të pasluftës,” ka njoftuar Alenaca.
NATO ka shtuar se do të rriten dhe stërvitjet ushtarake për të parandaluar sulmet dhe të bëjë të mundur neutralizimin e armiqve.
“Ne do të përmirësojmë stërvitjet tona të mbrojtjes kolektive për t’u përgatitur për operacione me intensitet të lartë dhe me shumë domene dhe do të sigurojmë përforcimin e çdo aleati në një njoftim të shkurtër. Të gjithë këta hapa do të forcojnë ndjeshëm parandalimin dhe mbrojtjen e NATO-s përpara. Kjo do të ndihmojë në parandalimin e çdo agresioni kundër territorit të NATO-s duke mohuar çdo sukses të mundshëm kundërshtar në përmbushjen e objektivave të saj. Ne mirëpresim bashkëpunimin ndërmjet Kombeve Kornizë dhe Kombeve Pritëse në forcimin e forcave dhe komandës dhe kontrollit, duke përfshirë krijimin e strukturave të nivelit të divizionit,” shkruhet në deklaratë.
