Një ndër vendimet e rëndësishme që NATO mori gjatë samitit të Madridit ishte dhe forcimi dhe rritja e forcave ushtarake.
Fillimisht do të ketë një rritje të trupave mbrojtëse në lindje të Evropës ku nga 40 mijë ushtar numri do të rritet në 300 mijë trupa. Ky vendim është tejet i rëndësishëm dhe për vendin ton pasi për herë të parë Forcat e Armatosura Shqiptare do të dërgojnë trupa në Bullgari për tu bashkuar stërvitjes së përbashkët me trupat vendase dhe ato amerikane.
Në total do të jenë 1600 trupa që do të stërviten.
Aktualisht Forcat e Armatosura Shqiptare janë të angazhuara në misione paqeruajtëse dhe luftarake në disa vende përfshirë edhe Letoninë.
Shqipëria po jep kontributin e saj në Letoni me 21 ushtarakë EOD si pjesë e grup – batalionit kanadez, në stërvitje përfshihen asgjësimi i minave dhe pajisjeve të tjera shpërthyese.
