Presidenti francez Emmanuel Macron u shpreh se ishte gjetur një zgjidhje kompromisi për kuadrin e negociatave të anëtarësimit në Bashkimin Evropian për Maqedoninë e Veriut, ku do të përfshihej edhe Bullgaria.
“Unë mendoj se kemi gjetur një zgjidhje kompromisi,” tha ai në një konferencë shtypi në samitin e NATO-s në Spanjë.
Parlamenti i Bullgarisë i dha qeverisë dritën jeshile më 24 qershor për të miratuar kornizën negociuese të anëtarësimit në Bashkimin Evropian për Maqedoninë e Veriut, në një masë që mund t’i lejojë fqinjit të saj verior të fillojë bisedimet e anëtarësimit me bllokun.
Ligjvënësit votuan për të lejuar qeverinë të heqë veton e saj pas ndryshimeve në tekstin e kornizës që do të garantonte të drejtat e bullgarëve në vend nëpërmjet ndryshimeve kushtetuese dhe do të angazhonte Shkupin për të mbajtur marrëdhënie të mira me Bullgarinë.
