Studentët shqiptarë në Maqedoninë e Veriut pritet të protestojnë këtë të hënë në Shkup, duke kërkuar zbatimin e plotë të së drejtës për përdorimin e gjuhës shqipe në provimet e Jurisprudencës.
Protesta, që do të zhvillohet në orën 16:30 para Urës së Gurit, do të mbledhë studentë nga Maqedonia e Veriut, Kosova, Shqipëria dhe vise të tjera shqiptare.
Ndërkohë, mediat në RMV raportojnë se policia kufitare në Bllatë të Dibrës ka ndaluar një autobus me studentë nga Shqipëria që po udhëtonin drejt Shkupit për t’iu bashkuar protestës. Në një video të publikuar në rrjetet sociale shihet autobusi i ndaluar dhe studentët që zbresin prej tij. Protesta zhvillohet nën moton “Bashkohuni me studentët – të gjithë një zë”.
