Kryetari i grupit të PD-së, Enkelejd Alibeaj kërkoi sot në komisionin e Ligjeve që politika dhe konkretisht qeveria nuk duhet t’i japë asnjë mesazh apo sinjal SPAK-ut, referuar sulmit të Edi Ramës disa javë më parë ku i kërkoi kësaj prokurorie të hetonte Sali Berishën dhe Ilir Metën.
“Kryeministri dhe ministri e kanë bërë pa asnjë lloj skrupulli. Të hiqet çdo sinjal, dhe i vakët në drejtësi dhe të merren masa, që për ndërhyrje të ministrit dhe kryeministrit, që krijojnë te publiku varësinë psikologjike të drejtësisë te qeveria. Ne duhet të marrim masa. Politika nuk duhet të flasë për çështjet e drejtësisë” tha ai.
Më pas, Alibeaj kërkoi që të specifikohet, që SPAK për “çdo njoftim publik për dyshimet e veprave penale të fillojë procedimin. Kjo i mbyll gojën politikës që të mos abuzojë”.
