Ish-kryeministri Sali Berisha ka lajmëruar protestë kombëtare në datën 7 korrik, në orën 19:00 para Kryeministrisë.
Partia Demokratike e konsideron aleancën me qytetarët, shoqërinë civile dhe forcat politike që do të marrin pjesë në protestë si “Fronti i Shpëtimit Kombëtar” dhe slogani i tyre është “Shqipëria në rrezik”.
Berisha ka ironizuar Ramënn ku u shpreh se nuk do të jetë më 7 korrik, duke thënë te enjten se kryeministri “do ia mbathë nga Tirana”.
Kryeministri Edi Rama teksa inauguronte hapjen e aksit Kardhiq-Delvinë për qarkullim, la të nënkuptuar se e ka axhendën e zënë më 7 korrik.
“Tani mbaroj kjo tjetra është Llogaraja dhe do hapim Bypassin e Vlorës. Bypassi i Vlorës hapet në datën 7 dhe pastaj fillon “Korridori Blu”, me të gjitha lotët – Murriqan, Milot, Balldren, Thumanë, Kashar, Rrogozhinë, Lekaj, Fier”, tha Rama.
