Delegacioni i kuvendit të Shqipërisë po merr pjesë në asamblenë e OSBE-së në Birmingam. Kryetari i delegacionit Damian Gjiknuri shoqërohet nga anëtarët; Fatmir Mediu, Helidon Bushati dhe Ermonela Felaj.
“Në cilësinë e Kryetarit të delegacionit të Kuvendit të Shqipërisë mora pjesë në mbledhjen e Asamblesë Parlamentare të OSBE-së e cila po zhvillon punimet në Birmingam.
Fokusi i mbledhjes rezolutat për dënimin e agresionit rus në Ukrainë dhe çështjet e forcimit të sigurisë në hapësirën e vendeve anëtare të OSBE.
Gjatë punimeve pata kënaqësinë të takoj Sekretarin e Përgjithshëm Roberto Montella si dhe kryesuesit e delegacioneve nga vende të tjera me të cilët diskutuam forcimin e bashkëpunimit dypalësh” shkruan Gjiknuri.
