Disa të shtëna me armë zjarri kanë terrorizuar mesditën e sotme turistët në plazhin e Radhimës në Vlorë.
Ngjarja është shënuar rreth orës 12:30 në Radhimë, në afërsi të plazhit, në rrethana ende të paqarta.
Policia ende nuk e ka identikitin e personit që ka qëlluar dhe për këtë arsye ka ngritur disa pika postblloku për të shkuar në gjurmët e tij.
Gjithashtu po kryhen verifikime nëse ka persona të dëmtuar. Breshëria ka shkaktuar frikë dhe panik te turistët.
