SPAK ka bërë të ditur se nuk i ka marrë ende materialet e bëra publike një ditë më parë nga LSI-ja për aferën e inceneratorëve, ndërsa do të marrë në pyetje dy të moshuarit të cilët dolën dje si të përfshirë në këtë aferë nga denoncimi i bërë nga kryetarja e LSI-së Monika Kryemadhi.
Një çift të moshuarish, saktësisht të moshës 94 dhe 95 vjeç janë përfshirë në skemën e incernatorëve. Në bazë të dokumenteve që publikoi kryetarja e LSI-së, Monika Kryemadhi ata janë bërë përfitues të 30 milionë eurove. Bëhet fjalë pikërisht për dy të moshuarit në foto, me emrat Thanas Çani dhe Haxhire Gurakuqi, të cilët rezultojnë me pasuri marramendëse.
“Thanas Çani dhe Haxhire Gurakuqi kanë kompania 35 milionë dollarë, u është shitur dy personave njëri 94 dhe tjetri 95 vjeç duke faturuar fatura fiktive dhe false. Kompanitë shërbejnë si lavatriçe për pastrimin e parave. Në këtë këndvështrim një km rrugë është bërë një kilometër rrugë 20 milionë euro. Këto kompani i kemi hetuar se kanë dalë të lidhura me inceneratorët, kemi arritur në rezultatin se janë të përfshira kompani që kanë fituar konçesione.” u shpreh Kryemadhi.
