Një ngjarje e rëndë ka ndodhur mëngjesin e së martës në Fier. Një 30-vjeçar raportohet të ketë goditur me thikë nënën e tij, e cila ka mbetur e plagosur.
Sipas burimeve zyrtare, ngjarja ka ndodhur në fshatin Dukas ku 30-vjeçari Klaudio Çobaj ka qëlluar me thikë nënën e tij D.Çobaj. Pas ngjarjes, autori është larguar teksa policia po punon për arrestimin e tij.
Informacion paraprak
Sot, rreth orës 09:00, në Dukas, Patos, në banesën e tij, shtetasi Klaudio Çobaj, 30 vjeç, ka plagosur me mjet prerës (thikë), nënën e tij, shtetasen D. Ç., 50 vjeçe, e cila ndodhet në spital nën kujdesin e mjekëve.
Grupi hetimor po punon për zbardhjen e rrethanave të ngjarjes dhe kapjen e 30-vjeçarit.
