Një milioner rus është gjetur i vdekur në pishinën e tij. Ai është Yuri Voronov, biznesmeni dhe kreu i një kompanie logjistike që menaxhon kontratat e pasura të Gazprom në Arktik dhe është një tjetër në listën e gjatë të atyre që kanë humbur jetën në mënyrë misterioze në Rusi së fundmi.
Biznesmeni 61-vjeçar u gjet i vdekur në shtëpinë e tij në Shën Petersburg rreth orës 14:00 të së hënës. Voronov u gjet me një plagë e shkaktuar nga një armë zjarri në kokë. Revolveri u gjet pranë dhe disa gëzhoja në fund të pishinës.
Rusët thonë se po hetojnë vdekjen e Voronov, të cilën aktualisht po ia atribuojnë “një mosmarrëveshje me partnerët e biznesit”. Gruaja e tij thuhet se u tha hetuesve se Voronov besonte se ai ishte duke u mashtruar nga kontraktorët dhe bashkëpunëtorët.
Por rritja e numrit të vdekjeve në pallate të tjera pranë Shën Petersburgut ka bërë që thashethemet për vrasje të inskenuara të duken si vetëvrasje. Kjo është vdekja e tretë e një personi të rangut të lartë në qytetin e Shën Petersburgut dhe e gjashta në total në Rusi gjatë muajve të fundit.
