Një krim brenda familjes ka ndodhur mesditën e sotme në fshatin Remas të Lushnjes, ku pas një debati djali ka vrarë babain.
Kjo është banesa ku Andrea Stase 58 vjeç i cili vuante nga probleme të shëndetit mendor mbyti babanë e tij 85 vjeç, Dhimitër Stase në një kanal.
“Sot më datë 06.07.2022, është gjetur në banesë pa shenja jete dhe me shenja dhune, shtetasi M. S., 85 vjeç, banues në Remas, Divjakë.
Nga hetimet paraprake autor i dyshuar i vrasjes së 85-vjeçarit dyshohet se është djali i tij, shtetasi A. S., 58 vjeç, i cili dyshohet se për motive të dobëta e ka mbytur. Eshtë shoqëruar në Komisariatin e Policisë Divjakë shtetasi A. S., dhe po punohet për zbardhjen e rrethanave të ngjarjes”, njofton policia.
