Grida Duma, Dashnor Sula, Dhurata Çupi, Agron Shehaj dhe shumë deputetë të tjerë të grupit të PD-së, që më parë e kishin kritikuar iu bashkuan protestës së Sali Berishës.
Agron Shehaj e mori fjalën në foltore duke thënë se i është bashkuar kësaj lëvizje jo për Sali Berishën, por për t’u kthyer shpresën shqiptarëve.
“Unë nuk jam këtu për veten time, as për Sali Berishën, një gjë e madhe na ka mbledhur, e bisedojmë cdo ditë, që përmblidhet në një fjali; në Shqipëri nuk ka më të ardhme. Kështu mendojnë shumica.
Një pjesë kanë vendosur të mos na bashkohen dhe kanë vendosur të ikin. Kanë humbur besimin dhe nuk u vendos faj. Përballë korrupsionit, shqiptarëve mund t’u kthejë shpresën vetëm një alternativë. Ne nuk duam të vijmë në pushtet për të vjedhur dhe për t’u pasuruar” tha ai.
