Një foshnjë 6-muajshe ndërroi jetë në mesnatë në Tiranë si pasojë e zjarrit që përfshiu banesën private pranë maternitetit. Gjyshja arriti të shpëtonte. Fqinja e së moshuarës Janulla Lilaj rrëfen momentet dramatike.
“Janulla jetonte me gocën që kishte këtë fëmijën 6-muajsh. Goca ishte e divorcuar, por ishin familje që nuk trazonin. Qante çuni i vogël me ulërima, foshnja, deshi goca të hynte brenda me ujë, por e pamundur.
Janulla doli e para. Çfarë ke? I tha një çun. Kam qenin, e harroi djalin. Pastaj u kujtua, është djali. Nëna e fëmijës kishte dalë të pinte kafe.
Kur kam dalë unë, tymi shtëllunga-shtëllunga deri te sheshi “Shtraus”. Kur dolëm ne, goca mori urgjent zjarrfikësen. Kur e kanë nxjerrë çunin, po dridhej dhe qante. Fëmija ishte gjallë kur doli. Por kishte vdekur në spital”, tregon një banore e lagjes.
