Një incident i dhunshëm ka ndodhur pak minuta para mesnate në Selanik.
Një grup prej rreth dhjetë personash nga Gjeorgjia u kapën nga duart dhe filluan të goditeshin me shkelma dhe grushte jashtë një restoranti dhe në sy të dhjetëra njerëzve.
Një 37-vjeçar ka kuptuar se çfarë po ndodhte dhe duke parë grupin e gjeorgjianëve dyshohet se ka tentuar të futet në mes për t’i qetësuar. Më pas, personat janë kthyer kundër tij dhe kanë filluar ta godasin me grusht në fytyrë.
Gruaja e 37-vjeçarit e cila ka dëgjuar zërat dhe bujën, ka dalë në ballkon për të parë se çfarë po ndodhte dhe sapo ka kuptuar se njerëzit po e godisnin bashkëshortin e saj, ka nisur të hedhë tenxhere nga ballkoni për ti ndaluar.
