Kryetari i Partisë për Veprim Demokratik Shaip Kamberi deklaroi se nëse Koalicioni i Shqiptarëve të Luginës merr ftesë nga kabineti i Vuçiçit, do ta konsiderojë dhe mund të marrë pjesë në bisedime.
Shaip Kamberi theksoi se prioritet i partisë së tij nuk është të jetë pjesë e qeverisë, por zbatimi i plotë i Planit Shtatëpikësh. Vuçiç do të bisedojë me listat e pakicave në ditën e parë të konsultimit.
Thirrjes për konsultime do t’i përgjigjet Unioni i Hungarezëve të Vojvodinës, i cili prej shumë vitesh ka bashkëpunim të mirë me progresistët.
Kryetari i DSH-së në Vojvodinë, Tomislav Zhigmanov, vëren se partia e tij ende nuk është kontaktuar zyrtarisht nga SNS-ja për formimin e Qeverisë së re të Serbisë, por rikujton se partia e tij ka shprehur gatishmërinë për të biseduar përmes mediave.