Policia e Mitrovicës së Jugut, ka arrestuar dy persona për të cilët Gjykata kompetente kishte lëshuar urdhër arresti.
“Sipas urdhëresës aktive është arrestuar i dyshuari, N. H., 48 vjeçar, shtetas i Republikës së Kosovës, i kërkuar për veprën penale “ Lëndim i lehtë trupor “, i njëjti pas kryerjes se obligimeve ndaj gjykatës është liruar.
Po ashtu sipas urdhëresës aktive në Mitrovicën e Jugut, është arrestuar i dyshuari, F. A., 33 vjeçar, shtetas i Republikës së Kosovës, i kërkuar për veprën penale “Shantazh“, i njëjti pas përfundimit të procedurave policore është dërguar në vuajtje të dënimit”, thuhet në njoftimin e policisë.
