- Secili merr përsipër pjesën e tij të fajit
Çiftet e lumtur pas një sherri nuk vazhdojnë të bëjnë me faj njëri-tjetrin, por marrin secili përsipër pjesën e tij. Janë të vetëdijshëm që pjesërisht gabimi ishte i tyri dhe nuk e kërkojnë tek partneri përballë. Janë mjaftueshëm të rritur dhe të matur për ta pranuar me seriozitet ç’ndodhi.
- Kërkojnë falje dhe e ndjejnë realisht
Nuk thonë “më fal” sa për të kaluar radhën, por zgjedhin të jenë prezent për të respektuar veten, palën tjetër dhe raportin. Të thuash më fal është e vështirë për shumë njerëz, por ndonjëherë është gjithçka duhet nëse kërkohet në mënyrë të sinqertë.
- Ecin para edhe pse konflikti s’është plotësisht i përfunduar
Të gjithë konfliktohen dhe debatojnë, por ata më të lumturit e vazhdojnë bashkë pjesën tjetër të ditës edhe pas zënkës. Nuk mbajnë mëri dhe inat për një kohë të gjatë. Kështu retë e zeza të mendimeve nuk zënë pjesën më të madhe të kohës së tyre. Fokusohen tek vazhdimësia.
- Përpiqen të mësojnë diçka të re nga çdo mosmarrëveshje
Në lidhjet e shëndetshme, shumica e debateve vjen si pasojë e keqkuptimeve, prandaj çdo konflikt është një mundësi e mirë për të kuptuar partnerin tuaj dhe për të folur me ta sa më hapur.
5.Të dy bëjnë nga një përpjekje për ta zgjidhur dhe për t’u pajtuar
E dimë sa stresuese janë sherret, por nëse ju të dy tregoni se po përpiqeni t’i jepni fund dhe të rregulloni gjërat mes jush- zënka do të harrohet më shpejt nga ç’e mendoni. Më mirë se të rrini të inatosur, flisni dhe kujtojini vetes që jeni skuadër. Një përqafim i ngrohtë, mund të shuajë çdo mërzi!
- Nuk kanë më inate apo ndjesi të akumuluara nëse sherri është mbyllur
Kur pajtohen çiftet e lumtura e lënë zënkën të shkojë dhe nuk ngecin tek fjalët që u thanë apo tek argumentet e bëra. Që do të thotë- bisedat në vazhdim nuk kanë komente pasivo-agresive.
