Për 10 ditë si pasojë e punimeve që do të kryhen do të bllokohet segmenti i unazës lindore Farkë-Shkozë. Në njoftimin që ka bërë në Facebook, ARRSH sqaron përmes hartës si do të devijohet trafiku në këtë segment në Tiranë gjatë punimeve.
NJOFTIMI
Në vijim të punimeve për zbatimin e projektit “Rikualifikimi i akseve rrugore Unaza Lindore Loti 3” dhe “Plotësimi i punimeve dhe rrugët lidhëse në Unazën Lindore Loti 2”, sipas grafikut të punimeve, në datën 16.07.2022, ora 08:00, do të fillojnë punimet për montimin e trarëve të mbikalimit në Shkozë, si dhe punimet e asfaltimit të karrexhatës së majtë dhe të djathtë të rrugës kryesore të segmentit rrugor Farkë-Shkozë.
Për realizimin e këtyre punimeve është e nevojshme të kryhet bllokimi i segmentit të unazës Lindore Farkë-Shkozë. Përdoruesit e këtij segmenti rrugor do të devijojnë nga rruga kryesore në nyjën e Farkës duke përdorur rrugën “Ali Shefqeti” dhe “Alajdin Frashëri” deri në rrethrrotullimin e Shkozës dhe anasjelltas.
Në këto pika të devijimit do të vendoset sinjalistika e përkohshme orientuese për qarkullimin e mjeteve.
Kryerja e këtyre punimeve është parashikuar të zgjasë rreth 10 ditë.
Kërkojmë mirëkuptimin e përdoruesve të mjeteve dhe të banorëve për këtë devijim!
