Ministri i Brendshëm, Niko Peleshi ka njoftuar se rreth 100 trupa të Forcave të Armatosura dhe 20 zjarrfikës janë nisur për në Malin e Çikës dhe po punojnë në shuarjen e flakëve.
Në foton e publikuar nga Peleshi shihen teksa trupat ushtarake të FA-së janë nisur me lopata për të shuar zjarrin, i cili ka 4 ditë që është aktiv.
“Zjarri i rënë në vendin e quajtur “Palikonjë”, Mali i Çikës në bashkinë e Himarës vijon të mbetet aktiv.
Një operacion masiv është organizuar në terren për shuarjen e tij, ku janë angazhuar rreth 100 trupa të Forcave të Armatosura dhe 20 forca nga zjarrfikësit lokalë, Administrata e Zonave të Mbrojtura dhe punonjës të bashkisë Himarë”, ka shkruar Peleshi.
