Zëvendëskryeministri i Kosovës Besnik Bislimi, ka thënë se Serbia po tenton të sabotojë dhe minojë procesin e dialogut.
Duke raportuar në Komisionin për Integrim Evropian, ai bëri të ditur se ka dështuar aranzhimi për takim Kurti-Vuçiç në Bruksel.
Sipas tij, Vuçiç, ka dhënë arsye jo relevante për të mos u takuar me kryeministrin Kurti gjatë kësaj jave.
Madje, sipas tij, takimi me homologun e tij serb, Petkoviç dështoi edhe javën e kaluar.
Duke folur për marrëveshjen për energjinë në veri, Bisilimi tha se ka vonesa të qëllimshme për zbatim të udhërrëfyesit nga Elektroserveri.
Para deputetëve, Bislimi u shpreh optimist edhe për liberalizimin e vizave.
“Është punuar bukur shumë me dëmtu procesin e liberalizimit të vizave. Mirëpo jam optimist që regjimi i vizave do të largohet shpejt”, tha ai.
