Ish-ministri i Shëndetësisë në mandatin e parë të qeverisë Rama, Ilir Beqja u thirr sot në SPAK për të dhënë shpjegime për koncesionin e sterilizimit. Rreth orës 10:00, ish-ministri ngjiti shkallët e strukturës së posaçme, por dera e SPAK-ut, ishte e mbyllur.
Trokiti në xham për të sinjalizuar prezencën, më pas roja hapi derën. Në krah ish-deputeti socialist mbante një çantë, që duket se ka dokumentacionin për të justifikuar veprimet ligjore për koncesionin.
Më herët në pyetje është marrë në pyetje edhe ish-zv/ ministri Klodian Rrjepaj dhe zyrtarë të tjerë. Gjatë kohës që Beqja drejtoi Ministrinë e Shëndetësisë, dha me koncesion shërbimin e sterilizimit.
Ky koncesion prej 100 mln eurosh është fituar nga “Sani Service” e biznesmenit Ilir Rrapaj.
