Ambasada gjermane në vendin tonë përmes një postimi në rrjete sociale ka uruar Shqipërinë për fillimin e bisedimeve të anëtarësimit në BE.
Ambasada nënvizon se Gjermania mbetet në krah të Shqipërisë dhe në bashkëpunim të ngushtë me BE-në dhe vendet e tjera anëtare do ta mbështesë e shoqërojë atë në rrugën e saj të mëtejshme.
“Reformat duhet të vazhdojnë me vendosmëri. Mbështetja jonë e larmishme për Shqipërinë deri më tani ka kontribuuar gjithnjë edhe në vendosjen e standardeve të BE-së. Ka shumë për të bërë, le t‘i futemi punës së bashku!”, shkruan Ambasada gjermane në Facebook.
