Dhoma e Avokatisë ka dalë kundër vendimit të qeverisë për të miratuar hartën e re gjyqësore.
Gjatë një konference, kreu i Dhomës së Avokatisë është shprehur se ata do të ankohen në Kushtetuese.
“Hapi ynë final do të jetë Gjykata Kushtetuese. Dhoma e Avokatisë së Shqipërisë do të vërë në dijeni institucionin e rëndësishëm ndërkombëtar brenda BE duke i bërë të qartë anti kushtetuetshmërinë e kësaj harte. Unë nuk më mbetet gjë tjetër përveçse të kërkoj nga ju qëndrimin që do mbajnë. Unë jam një votë. Nuk i imponohem këshillit”, tha Maks Haxhia.
Haxhia theksoi se ankimimin e tyre do ia paraqesin edhe institucionit ndërkombëtar të Avokatëve në Bashkimin Europian.
