Grupi Parlamentar i PD vendos të dërgojë në Gjykatën Kushtetuese zgjedhjen nga Edi Rama të Endri Shabanit si Avokat Populli, në shkelje të procedurave parlamentare dhe duke keqpërdorur firmat e deputetëve të PD që i kishin tërhequr paraprakisht.
Sipas njoftimit zyrtar, Partia Demokratike pretendon se zgjedhja e Endri Shabanit është bërë me vendim të Kryeministrit Edi Rama.
PD thekson se në këtë proces janë keqpërdorur edhe firmat e deputetëve demokratë, të cilat, sipas saj, ishin tërhequr paraprakisht.
Kujtojmë se Endrit Shabani u zgjodh mbrëmjen e 11 dhjetorit Avokat i Popullit me 85 vota pro nga mazhoranca socialiste dhe me asnjë votë nga opozita, të cilët kishin firmosur më parë kandidaturën e tij, por më pas u tërhoqën.
