Samiti botëror i “Iranit të Lirë” i planifikuar për t’u mbajtur nga opozita iraniane, konkretisht muxhahedinët më 23 dhe 24 korrik në kampin “Ashraf 3” në Manzë, Durrës është shtyrë deri në një njoftim të dytë pas rekomandimit të qeverisë shqiptare dhe për shkak të kërcënimeve terroriste dhe komploteve të regjimit të Teheranit.
Njoftimi është bërë nga Sekretariati i Këshillit Kombëtar të Rezistencës së Iranit. Ishte ambasada e SHBA-së në Tiranë, që mbrëmjen e djeshme njoftoi me një mesazh urgjent kërcënimet për sulme të mundshme gjatë samiti të MEK-ut në Durrës.
