Presidenti Ilir Meta u shpreh sot nga Prishtina se Serbia nuk mund të futet në BE pa njohur pavarësinë e Kosovës. Ai tha se mezi presin të duartrokasim një marrëveshje që çon jo vetëm drejt normalizimit por edhe njohjes reciproke të Serbisë dhe Kosovës.
“Të mos biem pre e atyre që duan të minojnë rrugën tonë për llogari të aktorëve të tretë. Europa është lodhur më shumë me vendet që kanë hyrë dhe kanë sjellë zhgënjime, nuk lodhet nga vendet që i përmbushin standardet.
Unë dua t’ju përgëzoj për arritjet e shkëlqyera të Kosovës. Është faktor i paqes dhe stabilitetit. Ka marrëdhënie të shkëlqyera me të gjithë fqinjët, mezi presim të duartrokasim një marrëveshje që çon jo vetëm drejt normalizimit por edhe njohjes reciproke të Serbisë dhe Kosovës.
Asnjë vend nuk mund të hyjë në BE pa zgjidhur çështje të tilla, kjo është në interes të dyja vendeve” tha ai.
