I ftuar në “5 pyetjet nga Babaramo”, Sekretari organizativ i PS, Blendi Klosi, u pyet se pse u shkarkua zëvendëskryeministri Arben Ahmetaj nga Edi Rama mëngjesin e së hënës.
Klosi u shpreh shkarkimi i Ahmetajt nuk ka asnjë lidhje me inceneratorët. “Është qartazi se ajo që bëmë me përballimin e krizës së tërmetit dhe programin e rindërtimit, tashmë gjërat janë vënë në vijë dhe ato do të përmbyllen shumë shpejt.
Tashmë kemi dy kriza për vendin, si ajo e energjisë dhe duhet të përballemi me këtë sfidë të re. Pas hapjes së negociatave kemi një punë të madhe që duhet bërë nga çdo sektor. Këto dy prioritete të reja dhanë orientimin e ri ku duhet të shkojë qeveria.
Nuk ka asnjë arsye që shkarkimi i Ahmetajt të ketë ardhur për inceneratorët. SPAK ka detyrën tij. Nuk ka asnjë lidhje”, tha Klosi.
