Endrit Shabani, teksa po prezantonte Raportin Vjetor të Avokatit të Popullit për vitin 2025, nëpërmjet të cilit konstatoi nevojën për forcimin e institucioneve dhe veprime më efikase në shërbim të qytetarëve, foli edhe për shkrumbimin e kompleksit “Arlis” disa dië më parë pranë QSUT në Tiranë.
“Zjarri i rënë këtë javë në një pallat në Tiranë, zbuloi institucionet vendore të papërgatitura. Kemi konstatuar disa problematika që lidhen me garantimin e sigurisë teknike të godinave, apo probleme me planifikimin e hapësirave për ndërhyrje të zjarrfikësve. Avokati i Popullit ka ngritur një task forcë që synon të hetojë sigurinë e banesave të përbashkëta në kryeqytet. Gjejmë rastin të kujtojmë kërkesën e bërë Bashkisë Tiranë që të ofrojë një zgjidhje të menjëhershme strehimi për banorët e prekur nga kjo tragjedi”, tha Shabani.
