Migjen Basha është bërë bashkëtrajner i skuadrës së Lausanne në Zvicër. Ish-futbollisti i Kombëtares ka për detyrë të shpëtojë ekipin nga rënia.
Basha është emëruar trajner i parë i ekipit të Lausanne. Ish-mesfushori i Kombëtares është vendosur në krye të ekipit të Superligës së Zvicrës së bashku me Markus Neumayr, pas shkarkimit të Peter Zeidler.
Superliga e Zvicrës e ka mbyllur sezonin e rregullt dhe tani është radha e play-out. Në të njëjtin grup ekipesh është edhe Grasshopper, ku pjesë e stafit është ish-sulmuesi i Kombëtares Shkëlzen Gashi dhe kapiteni, ish-mesfushori i Shqipërisë, Amir Abrashi./ Klantv
