Disa majmun të llojit Makaka kanë plagosur më shumë se 50 persona në Yamaguchi.
Policia vendase ka njoftuar banorët se disa prej majmunëve janë qëlluar ose janë kapur, por raportimet për sulme kanë vazhduar.
Autoritetet i kanë gjuajtur majmunët që nga fillimi i sulmeve ndaj të rriturve dhe fëmijëve rreth tre javë më parë. Shumica e lëndimeve kanë qenë gërvishtje dhe pickime të lehta.
Incidentet janë ende duke u raportuar dhe kërkimi vazhdon për majmun të tjerë, tha një zyrtar në departamentin lokal të bujqësisë për AFP.
“Dëshmitarët okularë përshkruajnë majmunë të madhësive të ndryshme, dhe madje edhe pas kapjes, ne kemi marrë raporte për sulme të reja”, tha ai.
Makakët japonezë janë të zakonshëm në pjesë të mëdha të vendit dhe në disa zona konsiderohen si një dëmtues, duke ngrënë të lashtat dhe ndonjëherë duke hyrë në shtëpi.
Megjithatë, sulmet në Yamaguchi janë të pazakonta.
Një zyrtar i qytetit tha para kapjes se ishte “rrallë të shihje kaq shumë sulme në një periudhë të shkurtër kohore”.
“Fillimisht u sulmuan vetëm fëmijët dhe gratë”, thanë ata, duke shtuar: “Kohët e fundit janë shënjestruar edhe të moshuar dhe burra të rritur”.
Përpjekjet e mëparshme për të kapur kafshët me kurthe dështuan dhe patrullat e policisë të ngritura në fillim të korrikut kanë qenë të pasuksesshme deri më tani.
Raportet përfshijnë një vajzë katërvjeçare të gërvishtur pasi një majmun hyri në banesën e saj dhe një kafshë që hyri në një klasë kopshti.
