Sot Gjykata Kushtetuese rrëzoi kërkesën e kreut të PR-së, Fatmir Mediu për dosjen e Gërdecit. Mediu kërkoi të rrëzohet vendimi i Gjykatës së Lartë që i dha dritën jeshile hapjes së dosjes.
SPAK kërkoi rigjykimin e Fatmir Mediut, pasi e akuzon si një nga ish zyrtarët përgjegjës për tragjedinë e Gërdecit, me 26 të vrarë dhe qindra të plagosur.
Gjykata e Lartë vendosi t’ia dërgojë këtë çështje për kompetencë GJKKO-së, me arsyetimin se me ndryshimet e fundit ligjore në kuadër të reformës në drejtësi, i takon asaj ta shqyrtojë dosjen penale ndaj ish-zyrtarit të lartë.
