Kryetari i PD-së, Sali Berisha deklaroi nga Mirdita se qeveria e Edi Ramës ka shënuar rekordet më të zeza pas Enver Hoxhës.
Berisha theksoi se edhe ish-Sekretari Amerikan i Shtetit, Mike Pompeo, i ka fshirë nga postimet e tij pasi kuptoi se kush është qeveria e Ramës.
“Qeveria e Ramës nuk meriton të qëndrojë në pushtet. Me rekordet më të zeza ja nxinë faqen këtij vendi e këtij kombi pas Enver Hoxhës.
Para 1 muaji erdhi këtu zv/Presidenti i SHBA, nuk takoi asnjë zyrtar të vetëm, u takua me muxhahedinët iranianë dhe jashtë të gjitha protokolleve, u kthye direkt në vendin e tij.
Pse kjo? Sepse nuk donte të merrte pleshta, ta themim kështu me fjalë popullore. Se kë do të takonte, dilte ajo që ndodhi me Pompeon.
Erdhi dhe ai, e dërguan gjoja në konferencën e 100-vjetorit. Kush e organizonte? Një eksponent kryesor, ua them me të dhëna të sigurta, eksponent kryesor i bandës së Elbasanit, që quhet Taulant Balla.
Pastaj ai kur e mori vesh u largua dhe në njoftim për shtyp nuk citoi asnjë shqiptar. Isha, takova MEK, dhe u ktheva, i fshiu tkaimet se këta të turpërojnë.
Këto të gjitha janë motive për ne që të bëjmë gjithçka për të shpëtuar Shqipërinë nga kjo qeveri e cila në shumë e shumë drejtime, është asbolutisht kryekëput anti-shqiptare.”-tha Berisha.
