Rikthehet beteja për postin e kreut të FSHF-së. Gjyqtarja Anila Karanxha nuk e ka pranuar kërkesën për regjistrim të vendimeve të fundit të marra nga Asambleja e Përgjithshme e FSHF-së.
Kjo do të thotë se Gjykata e Tiranës nuk ka njohur vendimet e marra nga Asambleja e Përgjithshme e Federatës Shqiptare të Futbollit, të datës 15 mars 2022 dhe rrjedhimisht kreun e ri, që është Armand Duka që u zgjodh për herë të 6 në krye të Federatës Shqiptare të Futbollit.
Nga 43 anëtarë siguroi 37 vota duke marrë edhe një mandat tjetër në krye të qeverisë së futbollit shqiptar, por tashmë gjykata nuk e ka njohur. Tashmë po rikthehet edhe njëherë beteja me bashkinë e Tiranës.
