Partia e Lirisë, kryesuar nga Ilir Meta ka njoftuar se do të jenë në mbështetje të çdo lloj forme protestash.
Ata kanë theksuar se ka ardhur koha që populli shqiptar të marr në dorë fatin e tij.
“Partia e Lirisë mbështet fuqimisht çdo formë proteste qytetare dhe bashkohet me indinjatën e madhe të gjithë opinionit publik të tronditur nga tragjedia që preku sot familjen Avdia, që humbi vogëlushen 7-vjeçare.
Është koha për t’i treguar këtij regjim kriminal, që varfëron, grabit, dhunon dhe vret fëmijë, se populli shqiptar është Zot i fateve të veta!” ka njoftuar Sekretar i Përgjithshëm i Partisë së Lirisë, Tedi Blushi.
