Është shpallur në kërkim nga polica e Fierit një 43-vjeçar pasi i ka marr fëmijën e mitur bashkëshortes pa e vënë në dijeni dhe ka ikur. Mësohet se 43-vjeçari është banues në Fushë Krujë ndërsa gruaja 38-vjeçare banon në Fier.
Njoftimi i policisë:
Specialistët për Hetimin e Krimeve në Komisariatin e Policisë Fier referuan materialet në Prokurori dhe u bë shpallja në kërkim e shtetasit G. Sh., 43 vjeç, banues në Fushë Krujë, pasi në Komisariatin e Policisë Fier ka bërë kallëzim shtetasja Sh. Sh., 38 vjeç(me banim të përkohshëm në Fier), se bashkëshorti i saj, shtetasi G. Sh., i ka marë fëmijën e mitur dhe është larguar.
