Kreu i Partisë së Lirisë, Ilir Meta, ditn e sotme ka paraqitur fakte të reja për inceneratorët gjatë konferencës është pyetur nëse ka besim te hetimet e SPAK. Meta u shpreh se hetimet po ecin me hapin e breshkës dhe se kjo gjë po bëhet qëllimisht.
“Personat që kanë firmosur e dinë shumë mirë se çfarë duhet të bëjnë ata dhe të tjerët. Minimumi shpërdorimi i detyrës. Këtu është e qartë se kemi të bëjmë me një grup të strukturuar kriminal. Dhe drejtësia duhet të reflektojë me këto akuza. Hetimet kanë ecur me hapin e breshkës ndërsa vjedhjet vazhdojnë me shpejtësinë e kangurit. Veliaj ka angazhuar jo vetëm bashkinë por edhe gjithë qarkun duke shkelur ligji dhe jashtë çdo kompetence në një borxh dhe detyrim të tillë, se nuk janë paratë e bashkisë por të qytetarëve. Nuk shkojnë te qytetarët por te kompania mëmë e cila duhet të sjellë lekët për të investuar të inceneratori. Kanë vënë peng pronat publike në banka. I përgëzoj bankat që janë sjell në mënyrë korrekte dhe duhet ët vijojnë të përmbushin detyrimet që ti mbajnë jashtë këtij skandali të qeverisë. Pra, është e qartë sesi i gjithë shteti është vënë në dispozicion të aferës së shekullit. Këto lek të vijën nga Holanda këtu, shkojnë lekët e qytetarëve në Holandë dhe vende të tjera pasi do të kemi para jush edhe shumë fakte të tjera të rënda. Ekipi që ka bërë një punë të shkëlqyer prej kohësh. Këto dokumente janë pranë SPAK, por gjykatësi më i mirë i kësaj do jetë populli i Tiranës”, tha Meta.
