Ministri turk i Mbrojtjes Hulusi Akar lëshoi ’kërcënime’ të reja pak para nisjes së anijes Abdul Hamid Khan në Mesdhe për shpime.
Akar në mënyrë ironike dhe jodiplomatike ka vënë sërish në shënjestër ishullin e Kastelorizo. Duke folur në konferencën e ambasadorëve turq që po zhvillohet në Ankara, ai iu referua largësisë së Kastelorizos nga Turqia, duke thënë se është vetëm 1950 metra dhe aty mund të arrijnë me not nxënësit e shkollave ushtarake.
“Në fakt, duke iu referuar një farë ministri grek, i cili gjoja tha se nëse munden, le të vijnë, nëse do Zoti, mund të ndodhë edhe kjo”.-tha Akar.
Sipas të njëjtave informacione, Akar, ashtu si Çavusoglu, iu referua “çmilitarizimit” të ishujve grekë gjatë leximit nga Turqia të Traktateve Ndërkombëtare në ishujt e Egjeut lindor, ndërsa pohoi se është Greqia ajo që po ndjek një “politikë ekspansioniste.
Presidenti turk Rexhep Taip Erdogan pritet të shpallë nisjen zyrtare të punës së platformës lundruese turke të shpimit Abdul Hamid Khan sot nga porti i Tasucu në Mersin, duke përdorur anijen e tij për të dërguar një mesazh të dyfishtë për audiencën e brendshme nga njëra anë dhe nga pala greke qipriote dhe komuniteti ndërkombëtar se Turqia nuk ka ndërmend të heqë dorë nga pretendimet e saj brenda Zonës Ekonomike Ekskluzive Greke dhe Qipriote.
Një total prej katër anijesh do të shoqërojnë platformën lundruese të shpimit kur të dalë në det: Vilim kërkimor dhe 3 anije mbështetëse logjistike: Hakan Ilhan, Murat Ilhan dhe Kutsi Ilhan. Dy të fundit mbërritën dje nga Kostandinopoja dhe iu bashkuan kolonës.
Pala greke iu përgjigj provokimit të paprecedentë të ministrit të Jashtëm turk, Hulusi Akar. Konkretisht, përfaqësuesi i qeverisë, Giannis Economou, duke folur në konferencën e redaktorëve politikë, mesditën e së martës dhe duke iu përgjigjur një pyetjeje lidhur me të, vuri në dukje se Greqia fillimisht po merret me lundrimin e anijes turke, Abdul Hamid Khan, me vigjilencë dhe kujdes të nevojshëm.
“Ne gjithmonë bëjmë atë që duhet bërë me maturi dhe vendosmëri për të siguruar paqen në zonë”, -tha ai.
Përfaqësuesi i qeverisë komentoi edhe deklaratat provokuese të Akarit për Kastelorizo, duke folur për “ekzagjerime retorike dhe provokime që nuk i shtojnë asgjë më shumë marrëdhënieve greko-turke”.
“Gjithmonë përballë provokimeve, retorike apo të tjera, qeveria ka treguar se është e pozicionuar me qetësi dhe vendosmëri”, theksoi ai, duke siguruar se të drejtat kombëtare greke mbrohen absolutisht në bazë të traktateve ndërkombëtare dhe kapaciteteve tona parandaluese dhe fakti që komuniteti global e di se Greqia është faktor stabiliteti dhe në anën e së drejtës ndërkombëtare”.
Në të njëjtën kohë, ai i dërgoi mesazh Turqisë se Greqia nuk është e gatshme të bëjë një hap prapa në çështjet e sovranitetit të saj kombëtar. Ai sugjeroi, në përgjigje të komenteve të ministrit turk të mbrojtjes për “notarët turq”, se “është një ide e mirë të zhvillohet një garë paqeje në det të hapur me grekët dhe turqit. Është më mirë ta shikojmë çështjen në mënyrë më të qetë dhe me theks në të drejtën ndërkombëtare dhe të mos krijojmë vatra tensioni”./ Protothema
