Qani Muça, personi që plagosi me armë zjarri një ditë më parë punonjësin e IMT-së në Tiranë është vënë në prangat e policisë.
Ngjarja ka ndodhur rreth orës 17:30 në kryqëzimin e rrugës “Todi Shkurti” me rrugën “Kristaq Capo” në Astir.
55-vjeçari plagosi Gavellin sapo ky i fundit kishte ekzekutuar vendimin për shembje.
“Specialistët e Seksionit për Hetimin e Krimeve ndaj Jetës arrestuan në flagrancë shtetasin Q. M., banues në Tiranë, pasi pasditen e djeshme ka plagosur me armë zjarri shtetasin I. G. (punonjës i IMT-së), i cili ndodhet në spital, jashtë rrezikut për jetën. Në cilësinë e provës materiale u sekuestrua arma e zjarrit me të cilën dyshohet se autori ka kryer krimin”, bën me dije policia.
