Ish-presidenti Ilir Meta, aktualisht kryetar i Partisë së Lirisë, ka publikuar në rrjetet sociale një video të shkurtër nga koncerti i organizuar nga reperi Noizy në Tiranë. Në një moment ikën dritat dhe të rinjtë nisën të thërrisnin “Rama ik”.
“Ju uroj një javë të mbarë, me këtë thirrje frymëzuese dhe buçitëse të mijëra të rinjve, për largimin dhe ikjen pa kthim të armikut të së ardhmes së tyre, të grabitësit të miliarda euro të shqiptarëve dhe të tradhtarit të interesave tona kombëtare”, shprehet kreu i PL.
Në vijim, Meta nënvizon se “armiku i Lirisë, Ligjshmërisë dhe Rinisë, do të japë llogari shumë shpejt përpara Drejtësisë dhe popullit për të gjitha dëmet kolosale, që i ka bërë vendit”.
