Mbrëmjen e sotme Sali Berisha dëgjoi mësues dhe ekspertë të arsimit për problemet me të cilët përballet edukimi.
Eksperti i arsimit Albano Zhapaj u ndal jo vetëm te problemet e teksteve dhe presionit për mësuesit por edhe dhunën kundër nxënësve.
“Kam në telefonin tim një video dhe nuk kam dashur ta bëj publike.
Është shumë e shëmtuar, ku një drejtor shkolle rreh një nga nxënësit dhe nuk preukupohem pse i ka dhënë disa shuplaka të forta në kokë fëmijës, por ajo që më preukupon më shumë është se asnjë nga shokët e klasës nuk foli. Nuk flet.
Do jua tregoj doktor atë video. Është e shëmtuar. Nxënësit kanë frikë. Kjo tregon se ka filluar të zërë rrënjë edukimi i bindjes” tha ai.
