Para nisjes së takimit të përbashkët mes presidentit të Serbisë Aleksandar Vuçiç, kryeministrit të Kosovës Albin Kurti dhe përfaqësuesit të BE-së, Josep Borrell, është regjistruar një moment jo fortë i këndshëm për këtë të fundit.
Borrell ka pritur në tryezë Kurtin dhe Vuçiç, i ka zgjatur dorën për të takuar këtë të fundit, por ai e ka refuzuar duke u ulur në vendin e tij.
Përfaqësuesi i Lartë i Bashkimit Evropian, Josep Borrell, tha se është koha që Kosova dhe Serbia të lëvizin drejt normalizimit të plotë të marrëdhënieve, teksa palët po takohen në Bruksel në rundin e ri të dialogut.
“Tensionet e fundit në veri të Kosovës kanë dëshmuar sërish se është koha të lëvizim drejt normalizimit të plotë. Pres që të dy liderët të jenë fleksibil dhe të gjejnë gjuhë të përbashkët”, shkroi Borrell në Twitter.
