Gjykata e Elbasanit ka vendosur sot që të lerë në burg Ejden Dinon i arrestuar dy ditë më parë si i përfshirë në konfliktin gjatë të cilit mbeti i vrarë mbrëmjen e së mërkurës 33-vjeçari Madrit Ulqinaku.
Ejden Dino ka pohuar se ka qenë nën efektin e drogës. Në kërkim janë dy miqtë e tij në arrati Horgito Peqini dhe Klaudjan Sallufi. Dino u arratis pas sherrit, por në momentin e arrestimit policia i gjeti me vete një thikë dhe një dorezë metalike.
Sipas dëshmisë së Dinos, sherri nisi me fjalët “çfarë ke që më sheh?” dhe më pas 18-vjeçari Horgito Peqini ka nxjerrë pistoletën dhe qëlloi nga pas 33-vjeçarin duke i shkaktuar vdekjen e menjëhershme.
