Ministri i Mbrojtës, Niko Peleshi në një deklaratë për mediat është shprehur se ata kanë të drejt të dyshojnë për spiunazh pasi u futën brenda një zone të ndaluar.
“Kemi të gjithë të drejtë të dyshojmë se ata janë spiunë, pasi dy shtetas së huaj të cilët hynë në një zonë të ndaluar ushtarake,” është shprehur ai.
Nga ana tjetër ai u pyet se çfarë do të spiunon rusët, nëse ajo uzinë në është funksionale dhe ka disa vite pa energji elektrike. Peleshi është shprehur se do të pres deri në fund hetimet për të folur pasi ende nuk ka ndonjë dijeni se çfarë do të spiunonin rusët.
“Ka pasur informacion edhe para se të ndodhte ngjarja. Kanë qenë në vëzhgim. Janë mbledhur të gjithë informacionet, edhe këto që thoni ju. Nuk mund të komentoj nëse janë blogere. Megjithatë blogerë apo jo blogerë ngjarja ka dhunë brenda. Bëhet fjalë për dhunim, futje në një institucion në mënyrë të paautorizuar. Ne e trajtuam me shumë seriozitet. Nuk kam informacion për pajisjen e përgjimit,” ka shtuar ai.
