Shqipëria u trondit mbrëmjen e së shtunës pas një sulmi nga dy rusë dhe një ukrainas mbi dy ushtarët shqiptarë në uzinën e armëve në Gramsh.
Ngjarja ndodhi pasdite rreth ores 17:30. Svetlana Timofoeva 33 vjeçe dhe Mikhail Zorin 23 vjeç janë dy rusët e arrestuar bashkë me një ukrainas. Dyshimet janë të forta se kemi të bëjmë me agjentë.
Prej gati një jave ata kishin hyrë në Shqipëri. Dy ditët e fundit ishin parë në Gramsh pranë uzinës duke bërë foto. Pasdite Zorin tentoi te futej me forcë brenda, por dy rojet i bënë thirrje të ndalonte.
Rusi tentoi të ikte, rojet e bllokuan. Zorin u hodhi spraj neuroparalizues, por prapë nuk arriti të ikte. Policia erdhi e arrestoi dhe në Cërrik kapi dy shokët e tij.
Në polici, rusët edhe ukrainasi thanë se erdhën për turizëm, por droni, aparati me foto të uzinës dhe harta bashkë me materiale të tjera kompromentuese i tradhtuan. Dy ushtarët e lënduar ndodhen në QSUT jashtë rrezikut.
Politika reagoi, Rusi deri tani ka heshtur. Kryeministri Rama u shpreh se dyshohet se janë tre spiunë. Ilir Meta akuzoi qeverinë, ndërsa Sali Berisha kërkoi heqjen e vizave me rusët që muajt e verës futen lirisht në vendin tonë.
Hap pas hapi çdo gjë që ndodhi pas sulmit në Gramsh
