Mikhail Zorin 23-vjeç me pasaportë ruse i cili së bashku me dy persona te tjerë që u arrestuan nën dyshime për spiunazh dy ditë më parë janë duke qëndruar në dhomat e paraburgimit të drejtorisë së policisë në Elbasan.
23 vjeçari ka qenë i gjakosur në momentin e arrestimit pasi në përpjekje për të humbur gjurmët ka rënë në një zonë me shkurre çka i ka shkaktuar dëmtime të lehta në pjesë të ndryshme të trupit.
Zorin është shumë i prerë në bisedat e kryera me anëtarët e grupit hetimor duke këmbëngulur se është turist.
Ai është i arsimuar dhe ka kryer studimet e larta për kimi. Gjithashtu burime nga drejtoria e policisë Elbasan pohuan se 23 vjeçari kishte ditë i pa ngrënë dhe u ka kërkuar ushqim punonjësve të policisë. /abcnews.al
