Ditën e mërkurë Kryeministri Albin Kurti do të japë deklaratë në lidhje me takimin me Vuçiç në Bruksel.
“Në lidhje me takimin e datës 18 gusht në Bruksel, Kryeministri Kurti do të flasë këtë të mërkurë në adresimin e tij në fillim të mbledhjes së Qeverisë”, ka thënë Përparim Kryeziu, zëvendësi i Putin.
Ditën e djeshme presidenti i Serbisë Aleksandër Vuçiç ka dhënë një version të tij rreth bisedave me Kurtin në Bruksel. Sipas tij Kryeministri i Kosovës nuk ka pranuar propozimet për marrëveshje me Serbinë.
Ai ka shtuar se Kurti ka hedhur poshtë gjashtë propozime.
E para, sipas asaj që tha Presidenti serb, është njohja e ndërsjellë dhe anëtarësimi i Kosovës në të gjitha organizatat ndërkombëtare.
E dyta, kompensimi i Kosovës për dëmet njerëzore dhe materiale që i ka shkaktuar Serbia në luftën e fundit. E treta është bashkëpunimi i ndërsjellë. Ndërsa i katërti propozim është njohja e të drejtave të shqiptarëve të Luginës, ashtu siç u njihen serbëve të Veriut.
Pika e pestë, që Vuçiç thotë se e ka propozuar Kurti, është rishqyrtimi i marrëveshjeve që janë arritur deri tash.
Dhe e fundit, është marrëveshja finale.
