Ministria e Punëve të Jashtme të Serbisë njoftoi më 22 gusht se llogaritë në Twitter të ambasadave serbe në Armeni, Iran, Indonezi, Nigeri, Zimbabve, Gana dhe Kujvat, por edhe të Konsullatës së Përgjithshme në Çikago, janë pezulluar më 18 gusht.
Sipas kësaj ministrie, pezullimi i llogarive u bë pa asnjë sqarim. Madje nuk pati asnjë njoftim paraprak.
Në mënyrë që të tregonte për ndonjë shkelje të mundshme të rregullave të komunikimit në këtë rrjet social”.
MPJ e Serbisë tha se kjo është e papranueshme për misionet diplomatike të një shteti demokratik që nuk është subjekt i asnjë sanksioni.
Disa prej llogarive të pezulluara janë hapur së fundmi dhe nuk kanë qenë aktive.
Ndërkaq të tjerat nuk kanë asnjë përmbajtje që mund të konsiderohej e papërshtatshme, u tha në njoftim.
Ministria e Jashtme tha se Serbia është e përkushtuar për anëtarësim në Bashkimin Evropian dhe respekton liritë sipas standardeve më të larta evropiane.
Serbia ka kërkuar nga kompania Twitter që të zhbllokojë këto llogari.
Ministria e Jashtme serbe po ashtu tha se shpreson se pezullimi i llogarive nuk është pjesë e përpjekjeve për të heshtur Serbinë.
Tensionet midis Kosovës dhe Serbisë u rritën pasi më 31 korrik dhe 1 gusht. Pasi serbët lokalë, bllokuan rrugët në veri të Kosovës.
Kjo ndodhi për të kundërshtuar vendimin e Qeverisë në Prishtinë për targat dhe dokumentet serbe.
Radio Evropa e Lirë ka dërguar pyetje në kompaninë Twitter, por nga kjo kompani nuk janë përgjigjur menjëherë lidhur me deklaratat e MPJ-së së Serbisë./REL
